2026 жылдың 11 сәуір күні Алматы облысы, Қарасай ауданы, Райымбек ауылдық округіндегі «Анаға құрмет» музейінде «Таза қала» экологиялық сенбілігі ұйымдастырылды.
Іс-шараға Нархоз университетінің студенттері белсенді қатысып, музей аумағын тазалау, көгалдандыру және қоршаған ортаны көркейту жұмыстарына атсалысты.
Студент жастар тазалықтың маңызын насихаттап, табиғатты аялау – әр азаматтың ортақ міндеті екенін іс жүзінде көрсетті.
Сенбілік барысында аумақ қоқыстан тазартылып, айнала ретке келтірілді.Осындай игі бастамалар туған жерге деген жанашырлықты арттырып, қоғамда экологиялық мәдениетті қалыптастыруға үлкен үлес қосады.