2025 жылдың 22 қыркүйегінен 31 желтоқсанына дейін «Анаға құрмет» музейінде қазақ бейнелеу өнерінің бірегей өкілі, танымал суретші Молдахмет Кенбаевтың шығармашылығына арналған көрме өтеді.
Көрмеде суретшінің ұлттық рухты, халықтың тұрмыс-тіршілігі мен болмысын айшықтаған таңдаулы туындылары көпшілік назарына ұсынылады. Айта кетер жайт, биыл Молдахмет Кенбаевтың 100 жылдық мерейтойы республика көлемінде аталып өтуде.
Молдахмет Кенбаев-қазақ бейнелеу өнері тарихындағы тұңғыш профессор атағын алған суретші, сондай-ақ еңбектері Ресейдегі әйгілі Третьяков галереясына қойылған алғашқы қазақ суретшісі.
Кенбаевтың шығармалары қазақ өнерінің алтын қорына өлшеусіз үлес қосып, ұрпақтан-ұрпаққа жалғасар рухани мұраға айналды. Бұл көрме -қылқалам шеберінің шығармашылық әлемін қайта танып, ұлт рухын сезінуге, қазақ өнерінің шынайы сұлулығымен қауышуға мүмкіндік береді.
Келіңіздер, тамашалаңыздар!